Golfnámskeið

Golfnámskeið

Golfnámskeið eru frábær leið fyrir kylfinga á öllum getustigum til að bæta leik sinn í skemmtilegu og hvetjandi umhverfi. Boðið er upp á bæði fyrirfram auglýst námskeið sem eru opin öllum og sérsniðin námskeið fyrir hópa, fyrirtæki og vinnustaði.

Á fyrirfram auglýstum námskeiðum er farið markvisst yfir helstu þætti golfsins, þar á meðal pútt, stutta spilið, fulla sveiflu og leikskipulag. Námskeiðin henta jafnt byrjendum sem kylfingum sem vilja styrkja grunnatriðin og bæta árangur sinn á vellinum.

Einnig er hægt að bóka sérsniðin golfnámskeið fyrir hópa og fyrirtæki. Slík námskeið eru sniðin að þörfum hvers hóps, hvort sem markmiðið er að kynna golfið fyrir byrjendum, efla liðsheild starfsmanna eða hjálpa reyndari kylfingum að þróa leik sinn. Lengd, uppbygging og áherslur námskeiðsins eru ákveðnar í samráði við þátttakendur til að tryggja sem bestan árangur og upplifun.

Fáðu tilboð fyrir hópinn þinn með því að senda póst á gudmundur@nkgolf.is. Einnig er hægt að fá frekari upplýsingar í síma 849-1996.

Næstu námskeið:

Hópæfingar í hádeginu

59.990 kr.

Notaðu veturinn til að bæta golfið með markvissum og einstaklingsmiðuðum æfingum í litlum hópi.

Hádegisæfingarnar eru 9 vikna námskeið fyrir kylfinga sem vilja nýta æfingatímann betur, byggja upp meiri stöðugleika í spilinu og vita nákvæmlega hvað þeir þurfa að vinna í til að ná framförum.

Aðeins fjórir þátttakendur eru í hverjum hópi, sem tryggir persónulega leiðsögn og nægan tíma fyrir hvern og einn.

Ekki bara æfa meira – æfa betur!

Það skiptir ekki bara máli hversu mikið þú æfir, heldur hvernig þú nýtir tímann.

Á námskeiðinu lærir þú hvað þú þarft að æfa, hvernig þú átt að æfa það og hvers vegna það skiptir máli.

Æfingarnar eru fjölbreytt stöðvaþjálfun þar sem unnið er með bæði langa og stutta spilið. Kennslan tekur mið af styrkleikum, veikleikum og markmiðum hvers þátttakanda.

Hvað færðu út úr námskeiðinu?

  • Einstaklingsmiðaða greiningu á styrkleikum og veikleikum í löngu og stuttu spili.
  • Markvissar og fjölbreyttar æfingar sem þú getur nýtt áfram á eigin spýtur.
  • Betri skilning á TrackMan og hvernig þú getur notað golfherminn til að bæta sveifluna.
  • Skýrari forgangsröðun svo æfingatíminn nýtist sem best.
  • Persónulega leiðsögn í litlum hópi þar sem unnið er út frá þínum markmiðum.

Þú ferð heim með meira en bara betri sveiflu

Markmiðið er að þú verðir sjálfstæðari í þinni golfþjálfun. Að þú vitir hvað þú þarft að bæta, hafir verkfærin til þess og getir nýtt hverja æfingu betur – bæði á námskeiðinu og eftir að því lýkur.

Upplýsingar um námskeiðið

Staðsetning: Nesvellir, Austurströnd 5
Tími: 12:00–13:00
Lengd: 9 vikur, ein æfing í viku
Dagar: Mánudagar, þriðjudagar, miðvikudagar eða föstudagar
Fjöldi: Hámark 4 þátttakendur í hópi

Nýttu veturinn til að leggja grunninn að betra golfi næsta sumar.

Skráðu þig á hádegisæfingar og byrjaðu að æfa með tilgangi!

Nánari upplýsingar: gudmundur@nkgolf.is eða í síma 849-1996.

Guðmundur Örn Golfkennsla slf.
460326-2220

 

849-1996
gudmundur@nkgolf.is

 

Austurströnd 5, 170 Seltjarnarnesi
Nesklúbburinn, 170 Seltjarnarnesi